Chupke Chupke Raat Din

"Chupke Chupke Raat Din"
Single by
Genre	Ghazal
Writer(s)	Maulana Hasrat Mohani

Chupke Chupke Raat Din is a popular ghazal written by Maulana Hasrat Mohani^[1]. It is a classical urdu poem that represent the culture of India during Mughal Dynasty. The poem became famous after it was sung by Ghulam Ali in the film, Nikaah.^[2]

Ghazal

Chupake chupake raat din aansuu bahanaa yaad hai
ham ko ab tak aashiqii kaa vo zamaanaa yaad hai

baahazaaraan iztiraab-o-sad-hazaaraan ishtiyaaq

tujhase vo pahale pahal dil kaa lagaanaa yaad hai

tujhase milate hii vo bebaak ho jaanaa meraa

aur teraa daatoon mein vo ungalii dabaanaa yaad hai

khiinch lenaa vo meraa parde kaa konaa daffaatan

aur dupatte se teraa vo moonh chhupaanaa yaad hai

jaan kar sotaa tujhe vo qasa-e-paabosii meraa

aur teraa Thukaraa ke sar vo muskuraanaa yaad hai

tujh ko jab tanhaa kabhii paanaa to az_raahe-lihaaz

hal-e-dil baatoon hii baatoon mein jataanaa yaad hai

jab sivaa mere tumhaaraa koii diivaanaa na thaa

sach kaho kyaa tum ko bhii vo kaarKhaanaa yaad hai

Gair kii nazaroon se bachakar sab kii marzii ke Khilaaf

vo teraa chorii chhipe raatoon ko aanaa yaad hai

aa gaya gar vasl kii shab bhii kahiin zikr-e-firaaq

vo teraa ro ro ke mujhako bhii rulaanaa yaad hai

do-pahar kii dhuup mein mere bulaane ke liye

vo teraa kothe pe nange paaoon aanaa yaad hai

dekhanaa mujhako jo bargashtaa to sau sau naaz se

jab manaa lenaa to phir Khud ruuTh jaanaa yaad hai

chori chori ham se tum aa kar mile the jis jagah

muddatein guzariin par ab tak wo thikaanaa yaad hai

beruKhii ke saath sunaanaa dard-e-dil kii dastaan

aur teraa hathoon mein vo kangan ghumaanaa yaad hai

vaqt-e-ruKhsat alvidaa kaa lafz kahane ke liye

vo tere sukhe laboon kaa thar-tharaanaa yaad hai

baavajuud-e-iddaa-e-ittaqaa 'Hasrat' mujhe

aaj tak ahad-e-havas kaa ye fasaanaa yaad hai

References

1. ^ http://www.urdupoetry.com/hasrat01.html
2. ^ http://timesofindia.indiatimes.com/city/ranchi/Marraige-crackers-mar-Ghulam-Ali-ghazals/articleshow/7375032.cms